Një aksident rrugor është regjistruar këtë të enjte në zonën e Unaza e Madhe e Tiranës, pranë mbikalimit të Sauk.

Sipas pamjeve nga vendngjarja, dy automjete janë përplasur me njëra-tjetrën, duke shkaktuar ndërprerje dhe ngadalësim të qarkullimit në segmentin rrugor.

Menjëherë në vend kanë mbërritur shërbimet e policisë rrugore, të cilat po punojnë për menaxhimin e trafikut dhe sqarimin e rrethanave të aksidentit.

Deri në këto momente nuk raportohet për persona të lënduar, ndërsa pritet që hetimet të përcaktojnë shkakun e përplasjes.