Ministria e Jashtme e Rusisë ka kërkuar që ambasadat e huaja në Kiev të përgatisin “evakuimin në kohë” të stafit diplomatik dhe qytetarëve të tyre, në rast të një përshkallëzimi të mundshëm ushtarak.

Sipas një njoftimi zyrtar, Moska paralajmëron se mund të ndërmarrë një “sulm hakmarrës” ndaj kryeqytetit ukrainas, nëse Ukraina tenton të prishë ceremonitë e 9 majit në Moskë, ditë që shënon përkujtimin e Fitores në Luftën e Dytë Botërore.

Në deklaratë theksohet se misionet diplomatike duhet të marrin masa për largimin e personelit dhe qytetarëve nga Kievi “në kohën e duhur”, duke rritur më tej tensionet mes dy vendeve në prag të ngjarjeve të rëndësishme shtetërore në Rusi.

Situata vjen në një moment të ndjeshëm të konfliktit, ku çdo sinjalizim për përshkallëzim ushtarak po ndiqet me shqetësim nga komuniteti ndërkombëtar.