Një 77-vjeçar me origjinë nga Fieri është raportuar i zhdukur prej tre ditësh, duke shqetësuar familjarët dhe autoritetet lokale.

Ligor Koco është larguar nga banesa e tij të premten dhe që prej atij momenti nuk ka pasur asnjë kontakt me familjen.

Familjarët bëjnë me dije se kanë njoftuar menjëherë Policinë, por deri tani nuk ka asnjë informacion mbi vendndodhjen e tij apo rrethanat e zhdukjes.

Autoritetet po vijojnë kërkimet, ndërsa familja ka bërë apel publik për ndihmë, duke kërkuar që kushdo që ka informacion të kontaktojë.

📞 Nëse dikush e ka parë ose ka informacion, mund të kontaktojë në numrin: 069 482 0375.