Protestat janë përhapur sot në Minneapolis, New York City, San Francisco, Boston, Providence dhe qytete të tjera amerikane, pas vdekjes së 37-vjeçarit Alex Pretti, një infermier që u qëllua për vdekje nga agjentë federalë gjatë një operacioni të zbatimit të ligjit për imigracionin në Minneapolis më 24 janar 2026. 

Pretti, një qytetar amerikan dhe infermier në njësinë e terapisë intensive në sistemin e shëndetit për veteranë, u qëllua gjatë përplasjes me agjentët federalë që po kryenin një operacion ndaj emigracionit në qytet. Autoritetet federale thanë se ai u qëllua pasi, sipas tyre, u afrua me armë dhe u rezistoi përpjekjeve për ta çarmatosur, por videot e nga vendngjarja sugjerojnë se ai mbante vetëm një telefon dhe u përpoq të ndihmonte një person tjetër para se të qëllohej. 

Ngjarja ka nxitur protesta masive, me demonstrues që sfiduan akullin ekstrem për të shprehur pakënaqësinë e tyre ndaj Shërbimit Amerikan të Imigacionit dhe Doganave (ICE) dhe përgjegjësisë së agjentëve federalë. Në Minneapolis, turmat brohoritnin sloganet si “Në djall ICE, ICE jashtë”, ndërsa mijëra të tjerë marshuan në Unjon Skver në New York City me thirrje të ngjashme. Protestuesit mblidhen edhe në Uashington jashtë selisë së Departamentit të Sigurisë Kombëtare (DHS), duke kërkuar tërheqjen e agjentëve të emigracionit nga qytetet. 

Demonstratat janë një përgjigje ndaj shqetësimeve të gjëra mbi përdorimin e forcës nga agjentët federalë dhe rritjen e pranisë së tyre në zona urbane, veçanërisht nën fushatën e ashpër të administratës për çështjet e emigracionit këtë dimër. 

Në Minneapolis, autoritetet vendore, duke përfshirë guvernatorin dhe kryetarin e policisë, kanë dënuar incidentin dhe kërkuar hetim të plotë, ndërsa familja e Prettit ka hedhur poshtë përshkrimet zyrtare dhe ka kërkuar që e vërteta të dalë në dritë. 

Protestat vazhdojnë edhe në qytete të tjera ndërkohë që shqetësimi publik për përdorimin e forcës nga zbatimi i ligjit për imigracionin është rritur dukshëm.