Tensionet mes Selin dhe Mirit në Big Brother VIP 5 u kthyen në një debat të hapur, ku dy banorët tentuan të sqarojnë mosmarrëveshjet e tyre rreth ndjenjave dhe akuza të ndërsjella.
Debati nisi kur Selin e pyeti Mirin: “Si del ti të akuzosh një vajzë që ka ndjenja për ty?”. Miri u përgjigj: “Nuk akuzova”, por Selin insistoi duke i kujtuar se disa persona kishin ngritur pretendime të kundërta për sjelljen e tij.
Gjatë diskutimit, Selin shtoi:
“Kur mora përgjigjen çfarë bëra unë? Shkova te njerëzit e tjerë, apo e lashë me përgjigjen ‘Jo’ dhe nuk të kam ngacmuar më?”
Miri u shpreh se nuk kishte vazhduar asnjë akuzë dhe se pyetja e tij ishte vetëm për të sqaruar situatën:
“Unë nuk kam vazhduar asnjëherë të të akuzoj ty kur ti je përgjigjur ‘Jo’. Jam detyruar edhe unë të futem në siklet dhe të pyes ty siç më ke pyetur ti mua.”
Ky moment tregon se marrëdhënia mes Selin dhe Mirit, nga afërsi dhe bashkëpunim, është kthyer në rivalitet të hapur brenda shtëpisë, ndërsa debatet e tyre vazhdojnë të jenë pjesë e bisedimeve më të ndjekura nga publiku.
