Një ngjarje e rëndë është regjistruar mbrëmjen e 21 prillit në Velletri, pranë Romë, ku një 40-vjeçar me origjinë shqiptare ka mbetur i plagosur me armë zjarri.
Sipas informacioneve paraprake, Alban Hekurani, pronar i një salle bastesh, sapo kishte parkuar automjetin dhe po i drejtohej banesës së tij, kur është qëlluar nga pas nga persona ende të paidentifikuar.
Autorët janë larguar menjëherë nga vendngjarja, ndërsa i plagosuri është transportuar me urgjencë nga shërbimi ARES 118 drejt Poliklinika Tor Vergata, ku ndodhet në gjendje të rëndë.
Ndërkohë, karabinierët kanë nisur hetimet për zbardhjen e rrethanave të ngjarjes, duke mos përjashtuar asnjë pistë, përfshirë edhe një grabitje të dështuar.
