Ish-ministri i Brendshëm Saimir Tahiri do të vijojë përballjen me drejtësinë në Apelin e GJKKO. Në reagimin e parë pas vendimit të Gjykatës së Lartë ai u shpreh se “Do ndjekim procedurën dhe do shkojmë prap në Apel”
Ndërkohë avokati Haxhia renditi shkeljet proceduriale që konstatoi Gjykata e Lartë. Sipas tij në Apelin e GJKKO do të kërkohet sërish pafajësia për Tahirin teksa tha se tashmë çështja do të gjykohet nga një tjetër trupë gjykuese.
Në fjalën e tij në përfundim të seancës, Haxhia theksoi se mbrojtja kërkoi shqyrtmin e çështjes në themel në Gjykatën e Lartë, por që një kerkesë e tillë nuk u mor parasysh.
“Kërkimet tona ishin më të gjera se vendimi i Gjykatës. Kolegji i Apelit, ne dhe dy kolegët e tjerë e shtrimë ankimin në kërkim final, për ta zgjidhur në themel. E rrëzoi kërkesën, u përqëndrua në shkeljet proceduriale.
Ne ndajmë mendime të ndryshme, por kur flet gjykata dhe aq më tepër Gjykata e Lartë nuk ka njeri të drejtë të bëjë komente.
Gjykata e Lartë vendosi prishjen e vendimit të GJKKO-së dhe paraqiti shkeljet proceduriale që cënonin ligjin dhe konform praktikës së Gjykatës së Lartë, Gjykatës Kushtetuese dhe Gjykatës së të Drejtave të Njeriut në Bashkimin Europian e ktheu çështjen në të njëjtën gjykatë por me trup tjetër gjykuese.
Gjykata e Lartë evidentoi shkeljet, në gjykimin që kanë marrë pjesë gjyqtarë që kanë cënuar paanëshmërinë dhe pozicionin e individit në procesin penal, kanë dhënë vendim me fakte të lidhura ku nuk u shkëputën dot nga interpretimi i fakteve. Edhe pse këta gjyqtarë kërkuan dorëheqje, por ajo nuk iu miratua.
Gjykata ose autoriteti nuk e pranoi, Albana Boksi dha dorëheqje, drejtuesi i Gjykatës edhe pse e kishte me shkrim nuk e pranoi. E dhamë edhe këtë shkak në Gjykatën e Lartë. Gjykata e pranoi si shkelje.
Çdonjeri që ka problem me drejtësinë do të shkëputet sa më shpejt. Jam apo s’jam i kënaqur e di unë. Unë e shoh më nga brenda drejtësinë.
Strategjia e radhës është që çështja të shkojë në Apel dhe do të insistojmë për pafajësi.”, tha Haxhia.
