Në një konferencë me median, kryetari i Partisë Demokratike, Sali Berisha, u përball me pyetje lidhur me seriozitetin e nismës së shpallur nga PD për mosbindje civile. Një nga gazetarët e pyeti me ironi nëse kjo mosbindje është “part-time” apo “full-time”. Kjo pyetje ngacmoi Berishën, i cili reagoi duke theksuar se mosbindja civile është një iniciativë me kohë të plotë.

“Është me kohë të plotë,” u shpreh Berisha. “Mosbindjen civile e ka dhe do ta ketë full time. Protestat nuk mund të shuhen, do të nxiten edhe të tjera, kudo që janë.” Ai la të kuptohet se protesta dhe qëndresa ndaj qeverisë do të jenë të vazhdueshme, si pjesë e një plani më të gjerë për të kundërshtuar regjimin aktual.