Kryetari i Partisë Demokratike, Sali Berisha, ka reaguar në lidhje me aludimin se e bija e tij, Argita Berisha, mund të jetë zëvendësuese në drejtimin e PD. Në një intervistë, Berisha ka theksuar se askush nuk duhet të përdorë trashëgiminë familjare në politikë.

Ai theksoi se nëse fëmijët e tij kanë synim të angazhohen në udhëheqjen e PD, ata duhet të përballen me proceset demokratike të votimit brenda partisë, pa privilegje të veçanta.

“Nuk mund të përdorin trashëgiminë familjare. Nëse kanë dëshirë të ndjekin hierarkinë dhe të ngjiten në PD, duhet të nënshtrohen proceseve demokratike të votimit brenda PD si gjithë të tjerët”, deklaroi Berisha.