Pas Mereme Selës, edhe Evi Kokalari i është drejtuar Gjykatës së Tiranës me një padi, ku kërkon anulimin e zgjedhjeve për kryetarin e Partia Demokratike.

Kokalari pretendon se iu mohua e drejta për të kandiduar në garën për drejtimin e partisë, pasi kërkesa e saj u refuzua nga Komisioni Zgjedhor i PD-së.

Këtë të enjte, ajo depozitoi padi në Gjykatën e Tiranës, ku kërkon pezullimin e menjëhershëm të zgjedhjeve dhe anulimin e vendimeve të marra së fundmi nga strukturat drejtuese të partisë.

Në garën për kreun e Partia Demokratike, disa kandidatë kërkuan të regjistroheshin për të sfiduar Sali Berisha, mes tyre Ervin Salianji, Mereme Sela, Vladimir Mulaj, Alesia Balliu dhe Evi Kokalari.

Megjithatë, të gjitha kandidaturat u refuzuan dhe emri i vetëm në fletën e votimit për zgjedhjet e 23 majit mbetet ai i Sali Berisha.