Një ngjarje e rëndë është regjistruar në Shijak, ku janë dëgjuar të shtëna me armë zjarri dhe për pasojë një person ka mbetur i plagosur.

Sipas informacioneve paraprake, i plagosuri është qëlluar në këmbë dhe është transportuar për të marrë ndihmë mjekësore. Ende nuk dihen rrethanat e plota të incidentit, ndërsa identiteti i personit të lënduar nuk është bërë publik.

Menjëherë pas sinjalizimit, forcat e Policisë kanë mbërritur në vendngjarje, ku kanë nisur këqyrjen e zonës dhe grumbullimin e provave që mund të ndihmojnë në zbardhjen e ngjarjes.

Grupi hetimor po punon për të sqaruar shkaqet e të shtënave, identifikimin e autorit ose autorëve të mundshëm, si dhe dokumentimin e plotë të rrethanave të plagosjes.