Një ngjarje e rëndë është regjistruar në fshatin Bitinckë, ku një 57-vjeçar është gjetur i pajetë në banesën e tij.

Sipas informacioneve paraprake, viktima jetonte vetëm dhe ishte pjesë e komunitetit rom. Dyshohet se ai kishte pasur edhe probleme të shëndetit mendor dhe ishte nën trajtim mjekësor.

Ngjarja është zbuluar nga motra e 57-vjeçarit, e cila ka njoftuar menjëherë autoritetet.

Në vendngjarje kanë mbërritur forcat e policisë dhe grupi hetimor, të cilët kanë nisur veprimet për zbardhjen e plotë të rrethanave.

Trupi i viktimës do t’i nënshtrohet ekspertizës mjeko-ligjore, ndërsa hetimet vijojnë.