Një aksident me pasojë vdekjen e një personi është regjistruar në fshatin Torovicë të Lezhës.

Sipas informacioneve paraprake, viktima ishte duke lëvizur me një mjet bujqësor, kur dyshohet se ka humbur kontrollin mbi të.

Si pasojë e aksidentit, mjeti bujqësor është përmbysur dhe e ka zënë poshtë personin, duke i shkaktuar plagë të rënda. Pavarësisht ndërhyrjes, ai ka ndërruar jetë në vendngjarje.

Policia dhe grupi hetimor kanë nisur verifikimet për të zbardhur rrethanat e plota të aksidentit dhe shkaqet që çuan në humbjen e kontrollit të mjetit.