Një aksident tragjik ka ndodhur mëngjesin e sotëm në aksin rrugor Elbasan-Librazhd, pranë një shkolle, ku një fëmijë rreth 7 vjeç ka humbur jetën pasi u përplas nga një automjet.

Sipas informacioneve paraprake, i mituri ishte duke shkuar në shkollë së bashku me nënën e tij, kur i ka shpëtuar nga duart dhe ka tentuar të kalojë rrugën, moment në të cilin është goditur nga automjeti që drejtohej nga 61-vjeçari Petri Bozo.

Pavarësisht ndërhyrjes, fëmija nuk ka mundur t’u mbijetojë plagëve të marra.

Drejtuesi i automjetit është shoqëruar në Komisariat për veprime të mëtejshme procedurale, ndërsa grupi hetimor po punon për zbardhjen e plotë të rrethanave të aksidentit.

Në njoftimin paraprak, policia bën me dije:

“Rreth orës 08:00, në aksin rrugor ‘Elbasan-Librazhd’, automjeti me drejtues shtetasin P. B., 61 vjeç, ka përplasur një fëmijë rreth 7 vjeç, i cili si pasojë ka humbur jetën.”