Ukraina ka marrë trupat e 1003 ushtarëve nga Rusia, njoftoi sot Shtabi Koordinues Ukrainas për Trajtimin e të Burgosurve të Luftës, si dhe kryenegociatori rus, Vladimir Medinsky.
Sipas Medinskyt, pala ruse ka marrë në këmbim eshtrat e 26 ushtarëve rusë. Zyra ukrainase për të burgosurit e luftës falënderoi Kryqin e Kuq Ndërkombëtar për mbështetjen dhe ndërmjetësimin në realizimin e këtij shkëmbimi.
Pavarësisht luftimeve të vazhdueshme, Rusia dhe Ukraina kanë vijuar shkëmbimet e trupave të ushtarëve të rënë në front. Ky ishte shkëmbimi i 16-të i këtij lloji vetëm gjatë këtij viti.
Autoritetet në Kiev bëjnë me dije se deri më tani Ukraina ka marrë eshtrat e më shumë se 15 mijë ushtarëve, në kuadër të këtyre marrëveshjeve humanitare mes dy palëve.
