Ushtria izraelite sinjalizoi se ka përfunduar luftimet në veri të Gazës dhe ka shkatërruar infrastrukturën ushtarake të Hamasit. Njoftimi erdhi para vizitës së sekretarit amerikan të Shtetit, Antony Blinken, ndërsa zyrtarët e administratës së presidentit Joe Biden kanë bërë thirrje për reduktim të ofensivës në Gazë për të shmangur viktimat civile. Luftera, që nisi më 7 janar, ka shpërthyer pas sulmeve të Hamasit, duke shkaktuar shumë viktima dhe shkatërrime. Kryeministri Benjamin Netanyahu ka theksuar se objektivi është eliminimi i Hamasit dhe sigurimi që Gaza mos të jetë më kërcënim për Izraelin. Numri i viktimave civile ka shpërndarë opinionet ndërkombëtare, me shëndetësinë në Gazë raportuar se shumica e viktimave janë civilë, përfshirë fëmijë.

Kryeministri izraelit, Benjamin Netanyahu, ka insistuar se lufta nuk do të përfundojë pa u përmbushur objektivi për eliminimin e Hamasit, kthimi i pengjeve dhe që Izraeli të sigurohet se Gaza nuk do të jetë kërcënim për të.

Për shkak të kundërpërgjigjes izraelite përmes sulmeve nga toka, ajri dhe deti, deri më tani në Rripin e Gazës janë vrarë mbi 22.700 palestinezë dhe janë plagosur mbi 58.000 të tjerë, sipas të dhënave të Ministrisë së Shëndetësisë në Gazën e udhëhequr nga Hamasi.

Kjo ministri nuk bën dallimin mes civilëve dhe luftëtarëve të vrarë.

Zyrtarët e shëndetësisë kanë thënë se rreth dy e treta e viktimave ishin gradhe fëmijë. Izraeli fajëson Hamasin për numrin e lartë të civilëve të vrarë, sepse sipas Izraelit, grupi radikal operon në zonat e populluara me civilë.

Të dielën, zyrtarët në spitalin Nasser në Han Junis, në jug të Gazës, thanë se kanë pranuar trupat e 18 persona, përfshirë të 12 fëmijëve, që ishin vrarë nga sulmet ajrore izraelite të shtunën mbrëma. Mbi 50 persona janë plagosur në sulmet në një kamp refugjatësh në Han Junis që ishte ndërtuar dekada më parë për të strehuar refugjatët nga lufta e Lindjes së Mesme e vitit 1948, kur u krijua shteti i Izraelit.

Edhe një sulm tjetër goditi një shtëpi që gjendet mes Han Junisit dhe qytetit tjetër jugor, Rafah, duke vrarë të paktën shtatë persona. Trupat e viktimave u dërguan në një spital aty pranë, sipas gazetarëve të AP-së që ishin të pranishëm në spitalin Evropian.

Forcat izraelite po ashtu kanë përparuar brenda qendrës së qytetit Deir al-Bala, ku të shtunën kanë paralajmëruar banorët e disa lagjeve që të evakuohen.