Pjesëmarrja e shkrimtares dhe artistes Mimoza Ahmeti në formatin televiziv “Ferma VIP” ka shkaktuar reagime të shumta në rrjet, ku një pjesë e publikut ka komentuar sjelljen dhe dinamikat e saj brenda spektaklit.

Në këtë klimë debatesh, ka reaguar publikisht vajza e saj, Luka, e cila ka dalë në mbrojtje të nënës përmes një mesazhi të gjatë në rrjetet sociale, duke zbuluar një anë tjetër të jetës së artistes jashtë kamerave.

Ajo ka theksuar se Mimoza Ahmeti ka qenë gjithmonë një nënë e përkushtuar, e cila ka bërë sakrifica të mëdha për fëmijët e saj, përfshirë edhe qëndrimin në një marrëdhënie të vështirë për shumë vite vetëm për hir të familjes.

“Për të gjithë kuriozët: Mimo ka qenë mama ideale. Ka sakrifikuar për ne çdo gjë… nuk ka marrë dashurinë që meritonte në martesë dhe ka qëndruar 20 vite vetëm për ne,” ka shkruar Luka ndër të tjera.

Në reagimin e saj, ajo ka sqaruar gjithashtu edhe sjelljen e Mimozës në ekran, duke theksuar se ajo është pjesë e një formati televiziv dhe se nuk pasqyron karakterin e saj real.

“Për të gjithë ata që mendojnë se Mimo e ka mendjen te çunat, duhet të kuptoni që ajo po bën show dhe nuk është fare karakter i përdalë,” ka shtuar ajo.

Ky reagim vjen si një kundërpërgjigje ndaj kritikave në rrjet, duke synuar të rikthejë vëmendjen tek figura familjare dhe personale e artistes, përtej imazhit të krijuar në ekran.