Policia e Vlorës ka nisur një procedim penal ndaj një 72-vjeçari, i dyshuar për vjedhje në ambientet e një objekti kulti në fshatin Zvërnec.
Sipas njoftimit zyrtar të DVP Vlorë, M. K. dyshohet se ka marrë një shumë parash nga arka e kishës në të njëjtin fshat.
Specialistët për Hetimin e Krimeve në Komisariatin e Policisë Vlorë kanë kryer verifikimet e nevojshme, ndërsa materialet janë referuar pranë Prokurorisë së Shkallës së Parë të Juridiksionit të Përgjithshëm Vlorë për veprime të mëtejshme.
