Kapet dhe ndalohet 1 shtetas i shpallur në kërkim.
Në pranga edhe 3 drejtues mjetesh.
Specialistët për Hetimin e Krimeve në Komisariatin e Policisë Vlorë, në vijim të punës për kapjen e personave në kërkim dhe vënien e tyre para përgjegjësisë ligjore, kanë ndaluar shtetasin e shpallur në kërkim Muatafa Lelaj, 37 vjeç, banues në Vlorë, të cilin Gjykata e Shkallës së parë Vlorë, e ka dënuar me 6 muaj burg, për veprën penal “Dhune në familje”.
Ky shtetas ishte shpallur në kërkim, pasi ka ushtruar dhunë psigologjike dhe fizike ndaj nënës së tij.
Nga specialistët e Qarkullimit Rrugor u bë arrestimi në flagrancë i shtetasve:
B. K., 40 vjeç, pasi u konstatua duke drejtuar mjetin në gjendje të dehur.
K. M., 26 vjeç, pasi u konstatua duke drejtuar mjetin pa lejen përkatëse.
T. V., 42 vjeç, pasi u konstatua duke drejtuar mjetin në gjendje të dehur dhe pa lejen përkatëse.
Materialet iu referuan Prokurorisë, për veprime të mëtejshme.
