Gjatë një kontrolli të kryer në vendin e quajtur “Rrethi i Çolës”, punonjësi i Policisë së Qarkullimit Rrugor ka konstatuar një shkelje të Kodit Rrugor nga drejtuesi i mjetit, shtetasi L. Sh., 45 vjeç, banues në Vlorë.

Pas paralajmërimeve fillestare, shtetasi L. Sh. ka reaguar me kundërshtim verbal dhe më pas me veprime të dhunshme ndaj punonjësit të policisë. Në këto kushte, ai është shoqëruar menjëherë në ambientet e Komisariatit të Policisë Vlorë për veprime të mëtejshme.

Gjatë kontrollit të kryer, policia i gjeti dhe i sekuestroi një sasi lënde narkotike kanabis, si dhe një mjet prerës (thikë).

Pas përfundimit të veprimeve proceduriale, nga Oficeri i Policisë Gjyqësore pranë Prokurorisë, ndaj shtetasit L. Sh. nisi procedimi penal për veprat penale: “Kundërshtim i punonjësit të policisë”, “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta”.