Tirana – Gjykata e Tiranës ka caktuar masën e sigurisë “arrest në burg” për Eduart Afmataj, i dyshuar për vrasjen e Artur Cangu në zonën e Bruz Malit të Niklës.

Sipas hetimeve paraprake, konflikti mes dy personave dyshohet të ketë nisur për një sipërfaqe toke. Gjatë përplasjes, viktima dyshohet se e ka goditur e para Afmatajn me një mjet prerës, duke e plagosur në krah.

Në vijim, i dyshuari është kundërpërgjigjur duke përdorur një armë gjahu, duke i shkaktuar vdekjen Cangut në vendngjarje.

Pas krimit, Afmataj është larguar, por është lokalizuar dhe arrestuar nga policia brenda 24 orësh.

Autoritetet vijojnë hetimet për të zbardhur plotësisht rrethanat dhe dinamikën e kësaj ngjarjeje të rëndë.