Malësi e Madhe – Një 52-vjeçar është vënë në pranga nga policia, në kuadër të një operacioni për goditjen e veprimtarisë së kultivimit të lëndëve narkotike.

I arrestuari, B. R., banues në fshatin Gruemirë Çezmë, ishte shpallur më herët në kërkim dhe ndaj tij Gjykata e Shkodrës kishte caktuar masën e sigurisë “arrest në burg”.

Sipas hetimeve, ai dyshohet se kishte kultivuar një sasi filizash dhe farash kanabisi në ambientet e një magazine në pronësi të tij, duke përdorur platforma polistiroli për rritjen e bimëve.

Gjatë kontrolleve të mëparshme, bimët narkotike janë zbuluar dhe asgjësuar nga policia, ndërsa hetimet e mëtejshme kanë çuar në identifikimin dhe arrestimin e tij.

Materialet procedurale i janë referuar Prokurorisë së Shkodra për veprime të mëtejshme ligjore, ndërsa çështja vijon të jetë nën hetim.