Presidenti ukrainas, Volodymyr Zelensky, i ka bërë thirrje vendeve perëndimore të ndajnë të paktën 0.25 për qind të Prodhimit të Brendshëm Bruto (PBB) për të ndihmuar Ukrainën në rritjen e kapaciteteve të prodhimit të armëve.
Zelensky njoftoi gjithashtu planet për të nënshkruar gjatë verës marrëveshje me disa shtete për të nisur eksportin e teknologjive të prodhimit të armëve. Ai bëri me dije se Ukraina është në bisedime aktive me Danimarkën, Norvegjinë, Gjermaninë, Kanadanë, Mbretërinë e Bashkuar dhe Lituaninë për bashkëprodhim ushtarak.
Thirrja e liderit ukrainas vjen pas një vale sulmesh të rënda ruse ndaj territorit ukrainas gjatë kësaj jave, duke shtuar nevojën për forcimin e mbrojtjes dhe prodhimin e pajisjeve ushtarake.
