Një 15-vjeçar nga Gjirokastra, i quajtur Mateo Kalemi, është shpallur i zhdukur nga familjarët prej më shumë se 7 orësh, duke shkaktuar shqetësim të madh në komunitet.
Sipas familjarëve, i mituri është parë për herë të fundit rreth orës 12:30 pranë agjencisë në urën e lumit, duke u përpjekur të udhëtojë drejt Tiranës. Në momentin e fundit që është parë, ai ishte i veshur i tëri me të zeza dhe kishte atlete ngjyrë gri, ndërsa syri i tij ishte bojëqielli.
“Kushdo që mund të ketë informacion, ju lutem të kontaktojë menjëherë në numrat 0698178649 ose 0698571981. Prindërit janë jashtëzakonisht të shqetësuar, ju lutemi ndihmoni,” apelon familja e tij.
Policia ka nisur kërkimet intensive, duke kontrolluar kamerat e sigurisë për të ndjekur lëvizjet e adoleshentit, por deri tani ende nuk ka rezultate. Dyshohet se Mateo mund të ketë përdorur ndonjë mjet rastësor për të arritur Tiranën, pasi nuk kishte para për biletë.
