Këshilltari i Partia Demokratike, Atird Hoxha, ka ngritur shqetësime gjatë mbledhjes së Këshillit Bashkiak lidhur me një blerje të planifikuar nga Ndërmarrja e Shërbimeve Publike.

Sipas Hoxhës, Ndërmarrja e Shërbimeve Publike pritet të blejë dy dronë me një vlerë prej rreth 35 milionë lekësh të vjetra secili, ndërsa kostoja totale e investimit kap shifrën mbi 70 milionë lekë të vjetra.

Mësohet se pajisjet do të përdoren për spërkatjen e pemëve dhe mirëmbajtjen e hapësirave të gjelbra, funksion që është prezantuar si pjesë e shërbimeve që do të ofrojë ndërmarrja.

Megjithatë, blerja ka shkaktuar debat në mbledhjen e Këshillit Bashkiak, ku janë ngritur pikëpyetje mbi nevojën reale të këtij investimi, koston e lartë dhe mënyrën konkrete të përdorimit të dronëve.

Këshilltari Hoxha ka kërkuar më shumë transparencë dhe sqarime për arsyet e këtij shpenzimi, ndërsa çështja pritet të diskutohet edhe në mbledhjet e ardhshme për të vlerësuar nëse investimi justifikon fondin e parashikuar.