Dhjetëra qytetarë shqiptarë protestuan pranë Gjykatës së Hagës, duke kërkuar lirimin e udhëheqësve të UÇK-së. Protestuesit tentuan të vendosnin pankarta me mesazhe mbështetëse në godinën e institucionit, por policia holandeze ndërhyri dhe i pengoi ata të afroheshin.
Sipas pamjeve të transmetuara nga gazetari i Top Channel, Muhamed Veliu, autoritetet kanë marrë masa të rrepta sigurie, përfshirë edhe ngritjen e një helikopteri mbi qytet.
Protestuesit theksuan se qëllimi i tyre ishte paqësor dhe synonte vetëm shprehjen e solidaritetit për ish-luftëtarët e UÇK-së që po gjykohen në Hagë.
