Greqi – Një operacion i madh i policisë greke çoi në arrestimin e tre priftërinjve dhe dy shtetasve të tjerë me origjinë shqiptare, të akuzuar për pjesëmarrje në një organizatë kriminale që trafikonte sasi të konsiderueshme kokaine dhe marijuane, si dhe emigrantë të paligjshëm.

Priftërinjtë, njëri 46-vjeçar, ish-prift, model, këngëtar dhe kuzhinier, një tjetër 40-vjeçar dhe një i tretë 52-vjeçar, sipas autoriteteve luanin rol “transportuesi” dhe ishin përgjegjës për ruajtjen dhe shpërndarjen e drogës.

Hetimi i Agjencisë Kundër Drogës zbuloi se droga fshihej brenda kishave në Rrugën Liosion dhe në oborret e tyre, duke përfituar nga pozicioni i tyre fetar për të maskuar aktivitetin kriminal. 46-vjeçari shitej drogën direkt nga kisha, ndërsa 40-vjeçari u arrestua në Rodos duke dorëzuar një valixhe me 2.188 kilogramë kokainë.

Prifti 52-vjeçar u arrestua më 6 shtator për transportimin e emigrantëve të parregullt në Rodope, duke u kapur me gjashtë migrantë që kishin hyrë ilegalisht nga kufiri greko-turk. Ai ndodhet aktualisht në burgun e Komotinit.

Hetimi vazhdon për zbardhjen e plotë të veprimtarisë së grupit dhe identifikimin e të gjitha rrugëve të trafikut të drogës dhe emigrantëve.