Kryetari i Partisë Demokratike, Sali Berisha, është zgjedhur zv/President i CDI, Unionit më të madh të partive të qendrës së djathtë në botë. Vendimi u mor gjatë Asamblesë së CDI, e zhvilluar në Sao Paolo të Brazilit, ku u zgjodhën edhe drejtuesit e rinj të organizatës.

Në Presidencën e re europiane të CDI janë gjithashtu Kryeministri i Kroacisë, Andrej Plenkovic, kryeministri i ardhshëm i Sllovenisë, Janez Jansa, dhe Kryeministri i Hungarisë, Viktor Orban. Sekretar i Përgjithshëm u emërua Antonio Lopez-Isturiz White, ndërsa President i CDI u rizgjodh Andres Pastrana.

CDI përbëhet nga 115 parti të qendrës së djathtë nga Europa, Amerika e Veriut, Amerika e Jugut dhe Azia, duke përfshirë parti që drejtojnë disa prej vendeve kryesore të botës, përfshirë Shtetet e Bashkuara të Amerikës. Zgjedhja e Berishës nënvizon rolin e tij ndërkombëtar dhe angazhimin e Partisë Demokratike në skenën politike globale.