Tronditet skena muzikore shqiptare. Këngëtari i njohur nga Tetova, Shpat Kasapi, ka ndërruar jetë në moshën vetëm 40-vjeçare. Mediat maqedonase raportojnë se artisti humbi jetën në Itali, si pasojë e një arresti kardiak.

Lajmi ka shkaktuar trishtim të madh në botën e artit, pasi Kasapi ka qenë për vite me radhë një nga emrat më të dashur për publikun shqiptar.

I lindur më 1 maj 1985 në Tetovë, ai u rrit në një familje me traditë muzikore, çka ndikoi që shumë herët të hynte në botën e artit. Karriera e tij nisi në fillim të viteve 2000 dhe brenda pak kohësh u kthye në idhull për të rinjtë me hitet dhe stilin e tij karakteristik.

Shpat Kasapi do të mbahet mend për zërin e tij melodioz, interpretimet plot emocione dhe prurjet e tij në muzikën shqiptare.