Selin Bollati dhe Greta Kazazi janë kthyer në dy nga banoret më të përfolura të këtij edicioni të “Big Brother VIP Albania”, jo vetëm për dinamikat brenda shtëpisë, por edhe për lidhjen familjare që i bashkon ato. Dyshja njihen si kunata, ndërsa personi që i lidh më fort është vëllai i Selinit, DJ Onno.

Prej javësh, DJ Onno ka qenë në qendër të vëmendjes për shkak të një romance të përfolur me Gretën, e cila aktualisht është konkurrente në BBVA. Spekulimet në rrjetet sociale kanë qenë të shumta, ndërsa sot vetë DJ Onno ka vendosur t’u japë fund zërave, duke konfirmuar publikisht lidhjen.

Ai ka publikuar një fotografi krah Gretës Kazazi, duke bërë kështu zyrtare romancën e tyre, siç raporton newsbomb.com. Kujtojmë se Greta u prezantua në “BBVA5” si kunata e Selin Bollatit, por kjo e fundit shmangu fillimisht konfirmimin e marrëdhënies së vëllait të saj, duke theksuar se një deklaratë e tillë duhet të vinte më parë nga vetë Greta.

Nga ana tjetër, Greta Kazazi ka qenë e rezervuar brenda shtëpisë së Big Brother-it, duke deklaruar disa herë se nuk dëshiron të flasë për jetën e saj sentimentale gjatë qëndrimit në reality-show. Sipas saj, fokusi kryesor është loja dhe synimi për të shkuar drejt fitores, jo ekspozimi i jetës personale.

Konfirmimi i DJ Onno pritet të ndezë edhe më shumë diskutimet, si jashtë ashtu edhe brenda shtëpisë së BBVA-së.