Një 41-vjeçar shqiptar është arrestuar në Treviso, në rajonin e Marka, pas një operacioni të zhvilluar nga Karabinierët e stacionit të Codognè.

Sipas autoriteteve, gjatë kontrollit në banesën e tij u gjet një armë zjarri pa leje, konkretisht një pistoletë Smith & Wesson .44 Magnum, së bashku me një sasi fishekësh.

Po ashtu, në ambientet e shtëpisë u sekuestruan rreth 2.6 kilogramë marijuanë dhe 124 gramë hashash, të ndara në doza dhe të dyshuara si të destinuara për shitje.

Operacioni u ndërmor pas informacioneve se i dyshuari mbante armë të paligjshme në banesë. I gjithë materiali i sekuestruar pritet t’i nënshtrohet analizave përkatëse.

41-vjeçari u arrestua në flagrancë dhe më pas u paraqit në gjykatë me procedurë të përshpejtuar, ku u vendos masa e arrestit shtëpiak. Ai përballet me akuzat për posedim dhe shpërndarje të lëndëve narkotike, si dhe mbajtje pa leje të armëve.