Policia e Vlorës ka arrestuar një 24-vjeçar dhe ka shpallur në kërkim dy persona të tjerë, të dyshuar për rrëmbimin dhe dhunimin e një 20-vjeçari me qëllim përfitimi financiar.

Sipas njoftimit zyrtar, shtetasit e përfshirë dyshohet se kanë marrë me forcë të riun në një automjet dhe më pas e kanë dërguar në një ambient të veçuar, ku kanë ushtruar dhunë fizike ndaj tij, duke i kërkuar shumën prej 6 mijë eurosh.

Në pranga ka rënë 24-vjeçari Brajan Habazaj, ndërsa janë shpallur në kërkim dy vëllezër, Roberto Lapa (29 vjeç) dhe Leandro Kapllani (34 vjeç), të dy banues në Risili të Vlorës.

Policia bën me dije se ngjarja është zbardhur pas ndërhyrjes së menjëhershme të strukturave hetimore dhe operacionale të DVP Vlorë, ndërsa vijon puna për lokalizimin dhe kapjen e dy të dyshuarve të tjerë.

Hetimet, në bashkëpunim me Prokurorinë, po vijojnë për dokumentimin e plotë të rrethanave të ngjarjes.