Një aksident rrugor është regjistruar mëngjesin e sotëm në kryqëzimin e njohur si “Pushimi i Shoferit”, në autostradën Lushnjë-Fier.

Nga përplasja mes një automjeti tip Volkswagen dhe një minifurgoni ka mbetur i plagosur një person.

Sipas informacioneve paraprake, automjeti Volkswagen, i cili po hynte në autostradë nga një rrugë dytësore, është përplasur me minifurgonin që lëvizte në drejtim të Fierit.

Si pasojë e aksidentit ka mbetur i dëmtuar drejtuesi i Volkswagen-it, i cili është transportuar në Spitalin e Lushnjës për të marrë ndihmën e nevojshme mjekësore.

Burime paraprake bëjnë me dije se gjendja e tij shëndetësore është jashtë rrezikut për jetën.

Në vendngjarje kanë mbërritur shërbimet e Policisë Rrugore, të cilat po punojnë për menaxhimin e qarkullimit dhe për zbardhjen e plotë të rrethanave të aksidentit.