Këngëtarja shqiptare me famë botërore, Bebe Rexha, ka shkëlqyer në një nga skenat më të mëdha muzikore në botë, duke performuar në festivalin prestigjioz britanik “Summertime Ball 2026”, të mbajtur në stadiumin “Wembley” në Londër.
Artistja ishte mes emrave të përzgjedhur për të performuar para dhjetëra mijëra spektatorëve, ku solli një show energjik që u prit me entuziazëm të madh nga publiku.
E veshur me geta të zeza, bluzë xhinsi dhe xhaketë rozë, Rexha tërhoqi vëmendjen jo vetëm me performancën vokale, por edhe me stilin e saj në skenë.
Gjatë koncertit, ajo interpretoi disa nga hitet e saj më të njohura, duke nisur me:
* “In The Name Of Love”
* “Me, Myself & I” (version dance)
* “New Religion”
* “Sad Girls”
* “I’m Good”
Publiku në stadium reagoi gjatë gjithë performancës, duke kënduar së bashku me artisten dhe duke e shndërruar momentin në një nga kulmet e mbrëmjes në Wembley.
Një nga momentet më të veçanta ishte interpretimi për herë të parë live i këngës “Sad Girls”, bashkëpunimi i saj i ri me DJ-n dhe producentin e njohur francez David Guetta. Po ashtu, performanca e “New Religion” para rreth 80 mijë spektatorëve u prit me reagime të forta pozitive.
Ky paraqitje në “Summertime Ball 2026” konsiderohet një tjetër sukses i rëndësishëm në karrierën e saj ndërkombëtare, ndërsa në ditët në vijim ajo pritet të publikojë albumin e ri “Dirty Blonde”.
