Edicioni i pestë i Big Brother VIP Albania pritet të nisë më 20 dhjetor, ndërsa producentja Sara Hoxha ka zbuluar një detaj nga shtëpia më e famshme e Shqipërisë përmes një postimi në rrjetet sociale.

Në postim, Sara shfaq një foto të një muri të veçantë të veshur me pllaka pasqyrë, ndërsa në tokë duken mbetjet e punimeve dhe qeset mbrojtëse, që tregojnë se shtëpia ndodhet në fazat përfundimtare të ndërtimit. Ajo shoqëron foton me pyetjen: “Are you ready?” (Jeni gati?), duke ngritur pritshmëritë e publikut për spektaklin.

Ky edicion do të moderohet sërish nga Ledion Liço, dhe tashmë mbeten vetëm disa ditë deri në hapjen e sezonit që do të sjellë surpriza dhe banorë të rinj në garën më të ndjekur të reality-show-t shqiptar.