Moderatorja Einxhel Shkira ka reaguar pas lajmeve që qarkulluan në rrjetet sociale, sipas të cilave ajo kishte pësuar një aksident të rëndë. Përmes një insta-story, Shkira i ka hedhur poshtë këto pretendime, duke sqaruar se bëhet fjalë për një incident shtëpiak.

Ajo shpjegoi se nuk ka qenë e përfshirë në asnjë aksident, por ka thyer këmbën teksa ndodhej në shtëpi, gjatë hapjes së dhuratave të të birit. Moderatorja bëri të ditur se i është nënshtruar një ndërhyrjeje dhe aktualisht është në fazë rikuperimi.

“Jam si kokrra e mollës pas operacionit të këmbës dhe sapo të rikuperohem do të kthehem në shtëpi te fëmijët e mi”, shkroi Einxhel Shkira.

Reagimi i saj vjen për të qetësuar ndjekësit, ndërsa ajo siguron se gjendja shëndetësore është e mirë dhe se po merr kujdesin e nevojshëm mjekësor.