Dy persona të maskuar kanë grabitur një tabakino në aksin rrugor Elbasan–Metalurgjik, në orët e para të mëngjesit të së enjtes.

Sipas informacioneve paraprake, autorët kanë marrë rreth 500 mijë lekë dhe një sasi paketash cigaresh, përpara se të largoheshin në drejtim të paditur.

Policia bën me dije se deri më tani autorët nuk janë identifikuar, ndërsa hetimet po vijojnë për zbardhjen e ngjarjes dhe kapjen e tyre. Dyshohet se mungesa e kamerave të sigurisë në zonë ka vështirësuar gjurmimin e lëvizjeve të tyre pas grabitjes.