25.5 C
Tiranë
Monday, May 20, 2024
spot_img

EMRAT / Nga vjedhje me pasojë vdekjen tek trafiku i drogës, 3 ‘shënjestrat’ e OFL në Durrës e Vlorë.

Operacioni Forca e Ligjit është ndalur në Durrës dhe Vlorë, ndërsa iu ka kërkuar 3.

Bëhet fjale për shtetasit: Elton (Isa) Ferizi, Ilir dhe Shkëlqim Keka, këta të fundit vëllezër.

Ilir dhe Shkëlqim Keka, rezultojnë të dënuar për veprën penale “Vjedhja me pasojë vdekjen”, e kryer në bashkëpunim, ndërsa Ferizi për “Prodhimi dhe shitja e narkotikëve”.

NJOFTIMI I OFL
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

E.(I.) F., banues në Durrës, i dënuar për veprën penale “Prodhimi dhe shitja e narkotikëve”;

I. K., banues në Vlorë, i dënuar për veprën penale “Vjedhja me pasojë vdekjen”, e kryer në bashkëpunim;

Sh. K., banues në Vlorë, i dënuar për veprën penale “Vjedhja me pasojë vdekjen”, e kryer në bashkëpunim.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT