Mimoza Ahmeti, pjesë e formatit televiziv Ferma VIP, ka ndarë gjatë një bisede me banorët një rrëfim personal për marrëdhënien e saj me partnerin.

Shkrimtarja foli hapur për lidhjen me një djalë rreth 25 vite më të ri, me origjinë nga Polonia, duke treguar se për hir të dashurisë ka bërë edhe sakrifica në jetën e saj personale.

Ajo rrëfeu se ka dhënë shtëpinë e saj me qira për të siguruar të ardhura shtesë për partnerin, duke e konsideruar këtë si një vendim të marrë nga ndjenjat.

“Kam marrë një shtëpi me qira në Sauk. Shtëpinë time e kam dhënë me qira që të fitoj ndonjë lek më shumë për atë… është një sakrificë që e kam bërë për dashurinë,” u shpreh ajo.

Sipas rrëfimit të saj, kjo përpjekje nuk është vlerësuar sa duhet nga partneri, për të cilin ajo thotë se ka një sjellje të ashpër, por pavarësisht kësaj marrëdhënia mes tyre vazhdon.

Ahmeti tregoi gjithashtu se njohja e tyre ka nisur përmes komunikimit në rrjete sociale, ndërsa theksoi se kujtimet dhe përjetimet e përbashkëta e mbajnë ende të lidhur me të.