Ndeshja mes Vllaznisë dhe Dinamos, e zhvilluar në “Arenën Kombëtare”, është mbyllur mes kaosi dhe tensioni të lartë. Menjëherë pas përfundimit të takimit, ambientet e brendshme të stadiumit u përfshinë nga një përplasje e ashpër mes stafeve të dy skuadrave.

Në pamjet e publikuara nga “Shkodra Sport”, duken qartë skena tensioni në tunelin që lidh fushën me dhomat e zhveshjes, ku përfaqësues të dy klubeve shihen duke debatuar ashpër, fyer dhe shtyrë njëri-tjetrin. Në vendngjarje ndërhyri menjëherë një numër i madh efektivësh policie, të cilët u angazhuan për të ndarë palët dhe për të qetësuar situatën.

Përplasja pason një ndeshje me ngarkesë të lartë emocionale dhe mund të ketë lidhje me vendime arbitrare apo tensione të akumuluara gjatë lojës. Deri më tani, nuk ka një reagim zyrtar nga Federata Shqiptare e Futbollit apo klubet përkatëse në lidhje me incidentin.

Ngjarja rrezikon të ketë pasoja disiplinore për të dyja ekipet, ndërkohë që pritet një hetime dhe raport i delegatit të ndeshjes.