Ndërsa finalja e madhe e së shtunës po afron, situata brenda shtëpisë së “Big Brother VIP Albania” po bëhet gjithnjë e më e tensionuar, me marrëdhëniet mes banorëve që duken më të brishta në ditët e fundit të lojës.

Pas 120 ditësh izolimi, gara ka hyrë në fazën vendimtare, ku çdo deklaratë dhe vendim i banorëve po merr peshë të shtuar në dinamikën e lojës.

Në një bisedë të fundit mes Rogertit dhe Selinit, janë ngritur dyshime për strategjinë e ndjekur nga Miri gjatë gjithë rrugëtimit të tij në program. Rogerti është shprehur hapur për mënyrën se si e sheh lojën, duke thënë: “Kjo ka qenë loja e Mirit që 120 ditë këtu brenda. Ne kemi luajtur si top futbolli me Mirin.”

Ai ka shtuar gjithashtu se në këtë fazë finale është e rëndësishme të ketë më shumë kujdes, pasi situata mund të ndryshojë në çdo moment.