Deputeti Flamur Noka ka reaguar pas deklarimeve publike mbi çështjen e rindërtimit të një pallati të dëmtuar, duke akuzuar kryeministrin Edi Rama se ka tejkaluar kompetencat institucionale.

Në reagimin e tij, Noka shprehet se vendimmarrja nuk mund t’i takojë qeverisë pa u shprehur më parë organet e ekspertizës dhe institucionet përkatëse.

“Më tregoni një shtet demokratik ku kryeministri flet në emër të ndërtuesit të pallatit,” deklaron Noka, duke vënë në pikëpyetje rolin e ekzekutivit në këtë proces.

Ai shton se fillimisht duhet të ngrihet një grup ekspertësh për të gjitha ndërtimet e kompanisë në fjalë, ndërsa thekson se çdo vendim tjetër i takon drejtësisë dhe jo qeverisë.

“Si fillim shteti duhet të ngrejë një grup ekspertimi, jo vetëm për pallatin në fjalë, por për të gjitha ndërtimet që ka realizuar kompania,” shprehet ai.

Noka akuzon gjithashtu kryeministrin se po ndërhyn në role që, sipas tij, i takojnë prokurorisë dhe gjykatave, duke e cilësuar këtë si një përpjekje për të mbyllur debatin publik mbi çështjen.