Astrologia e njohur Meri Shehu ka paralajmëruar një javë të mbushur me zhvillime të forta astrologjike, gjatë emisionit Rudina në Tv Klan.

Sipas saj, hyrja e Marsit në shenjën e Demit, që ndodh nesër, do të sjellë tensione, përplasje dhe situata më të vështira për disa shenja, veçanërisht për Demët, Akrepët, Luanët dhe Ujorët, ndikim që pritet të zgjasë rreth një muaj e gjysmë.

Megjithatë, astrologia theksoi se kjo periudhë do të shoqërohet edhe me lajme të mira dhe ndryshime pozitive, sidomos falë hyrjes së Mërkurit në shenjën e Binjakëve, që sipas saj do të sjellë surpriza, komunikime të rëndësishme dhe ndryshime të papritura.

Renditja e shenjave për javën sipas Meri Shehut:

* Dashi – 2 yje
Fokusi kryesor do të jetë ekonomia dhe bizneset familjare, ndërsa priten ndryshime të rëndësishme në planet personale gjatë ditëve në vijim.
* Demi – 5 yje
Hëna e re në Dem konsiderohet shumë pozitive dhe rigjeneruese. Demët pritet të kenë zhvillime të rëndësishme ekonomike dhe përfitime përmes teknologjisë apo projekteve të reja.
* Binjakët – 3 yje
Mërkuri në Binjakë sjell guxim, ndryshime në pamje dhe komunikim më të fortë. Parashikohen fitime apo mundësi nga rrugë të papritura.
* Gaforrja – 4 yje
Mbështetja nga miqtë, partnerët apo bashkëpunëtorët do të jetë vendimtare për avancim ekonomik dhe profesional.
* Luani – 3 yje
Periudhë pozitive për artin, promovimin dhe jetën sociale, por astrologia këshillon kujdes nga konfliktet dhe prapaskenat.
* Virgjëresha – 4 yje
Organizimi ekonomik përmirësohet ndjeshëm. Parashikohen fitime, ndryshime në punë dhe lajme surprizë.
* Peshorja – 2 yje
Çështjet financiare, trashëgimitë dhe marrëdhëniet në çift do të dominojnë javën. Parashikohen edhe udhëtime të favorshme.
* Akrepi – 4 yje
Mund të rikthehen persona nga e kaluara apo të lindin lidhje serioze. Kujdes kërkohet nga ndikimi i Marsit në Dem.
* Shigjetari – 2 yje
Ndryshime të rëndësishme në punë dhe rritje ekonomike. Parashikohen zhvillime edhe në jetën sentimentale.
* Bricjapi – 5 yje
Një nga shenjat më të favorizuara të javës. Parashikohen surpriza, ndryshime në karrierë dhe largim nga vështirësitë e së kaluarës.
* Ujori – 3 yje
Fokusi do të jetë familja dhe prona. Nuk përjashtohen surpriza të forta në dashuri.
* Peshqit – 4 yje
Ekonomia dhe çështjet e pronës do të jenë në qendër të vëmendjes, ndërsa priten lajme të papritura për lëvizje apo ndryshim vendbanimi.