27.5 C
Tiranë
Saturday, May 18, 2024
spot_img

Përballoni virozat dhe të ftohurën duke përdorur uthull molle

Stina e vjeshtës dhe dimrit përkon me fillimin e episodeve të vazhdueshme të gripit, virozave, të ftohurës, infeksioneve e bajameve të acaruara. Në shumicën e rasteve, kurat për trajtimin e këtyre problemeve shëndetësore janë farmaceutike, ku mund të përmendim antibiotikët apo medikamentet e ndryshme që pihen në formë çaji.

Shurup për kollën
Përzieni sasi të barabarta të mjaltit dhe uthullës së mollës. Konsumoheni herë pas here dhe do të vëreni se si aroma e të dy përbërësve do të zhbllokojë rrugët e frymëmarrjes dhe do të shpërbëjë sekrecionet. Uthullën e mollës mund ta përzieni edhe me ujë në sasi të barabarta e të konsumoni nga një lugë gjelle 3-4 herë në ditë.

Kundër urthit
Në një gotë uji të mbushur plot hidhni një lugë çaji me uthull molle dhe piheni para ose gjatë një vakti. Uthulla ndalon stomakun të prodhojë aciditet të tepërt dhe sjell ekuilibrin e duhur në sistemin tretës.

Uthulla ul temperaturën
Nëse prekeni nga temperatura e lartë mos hezitoni të përdorni uthullën, pavarësisht aromës së ndezur të saj. Nëse aroma mund t’ju duket e rëndë, mund ta holloni me ujë. Një tjetër mënyrë është si më poshtë:
Në një legen hidhni një gotë uji me uthull dhe dy gota të njëjta me ujë. Merrni një palë çorape të trasha, mundësisht nga ato që zgjaten deri tek gjuri dhe futini në legen. Pasi të jenë lagur mirë, shtrydhini dhe vishini. Këmbët mbështillini me qese plastike dhe mbajini për 10-15 minuta. Këtë trajtim krejtësisht natyral mund ta përsërisni disa herë sepse uthulla ul temperaturën duke përthithur nxehtësinë nga këmbët.

opennews.al

 

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT