Nëse mendon se për të rënë në peshë duhet t’i thuash lamtumirë picës, mendohu sërish. Rrjetet sociale po çmenden pas një recete të re që përmbys çdo mit: pica me brokoli, një variant ultra i lehtë, pa gluten dhe aq i shëndetshëm sa po konsiderohet “pica që të ndihmon të dobësohesh”.

Ideja vjen nga llogaria në Instagram Seeds & Chia, e drejtuar nga influencuesja e ushqimit të shëndetshëm Vicky Foodie, e cila ka sjellë një pjatë që duket si pica… por funksionon si një darkë dietike.

Baza përgatitet thjesht: vetëm brokoli i grirë, dy vezë dhe pak erëza. Pa brumë, pa miell, pa furrë. Mjafton një tigan.

Pasi masa mpikset dhe merr ngjyrë, sipër shtohen djathë i fortë dhe domate qershi – një kombinim i freskët, i lehtë dhe aromatik. Kush dëshiron më shumë proteina, mund t’i shtojë pak fileto ose proshutë gjeli.

Rezultati? Një pjatë që duket si pica, shijon si pica, por ka shumë më pak kalori dhe yndyra se versioni klasik. Nutricionistët pohojnë se është një alternativë fantastike për darkë, sidomos për ata që duan të hanë diçka të ngopshme pa prishur dietën.

Receta po bëhet virale, sepse kombinon tre elementë që rrallë shkojnë bashkë:
👉 shije
👉 shëndet
👉 dhe gatim ultra të shpejtë.

Me sa duket, ëndrra e të ngrënit picë gjatë dietës nuk është më fantazi. Thjesht duhet pak brokoli.