Deputeti i Partisë Socialiste, Ardit Bido, ka reaguar në rrjetet sociale pas diskutimeve që po qarkullojnë mbi investimin e planifikuar nga Jared Kushner në zonat e Sazanit dhe Zvërnecit.
Në reagimin e tij, Bido shkruan:
“Po tani që po del lajmi që Kushner do tërhiqet nga Sazani e Zvërneci për të investuar miliarda euro në Mykonos, çfarë do thonë ata që thoshin se Greqia nuk ka dorë pas? Për aq kohë sa jeni kundër investimit, pra kundër banorëve të zonës, për interesat e Greqisë, më keni KUNDËR!”
Sipas deputetit socialist, ekziston rreziku që të ndodhë ajo që ai ka paralajmëruar më herët në debatet për projektin, duke argumentuar se kundërshtimi i investimeve mund të favorizojë destinacione të tjera konkurruese në rajon.
Çështja e investimeve në Sazan dhe Zvërnec ka qenë prej kohësh në qendër të debatit publik, mes mbështetësve të zhvillimit ekonomik dhe kritikëve që shprehin shqetësime për ndikimin në mjedis dhe hapësirat natyrore.
