Ka vijuar reagimi i figurave të larta shtetërore dhe politike pas ndarjes nga jeta të akademikut të njohur Rexhep Qosja, një prej emrave më të rëndësishëm të mendimit dhe letërsisë shqiptare.

Kryeministri Edi Rama ka shprehur ngushëllimet përmes një postimi në rrjete sociale, duke e përshkruar lajmin si një humbje të madhe për botën shqiptare. Ai i përcolli ngushëllime familjes, të afërmve dhe miqve të akademikut.

Edhe kryetari i Kuvendit, Niko Peleshi, reagoi për ndarjen nga jeta të Qoses, duke e vlerësuar si një figurë me kontribut të jashtëzakonshëm në kulturën shqiptare. Ai shkroi se “mendja më prodhimtare ndër shqiptarë ndaloi së menduari”, duke e cilësuar akademikun si intelektual të përmasave mbarëkombëtare dhe shkrimtar të veçantë.

Nga ana tjetër, presidenti Bajram Begaj e konsideroi këtë humbje si një boshllëk të ri në “panteonin” e figurave të mëdha të kulturës shqiptare. Në reagimin e tij, ai theksoi rolin e Qoses si një nga mendjet më të spikatura të mendimit shqiptar dhe i shprehu ngushëllime familjes dhe komunitetit intelektual.

Rexhep Qosja mbetet një nga emrat më të rëndësishëm të letërsisë, kritikës letrare dhe studimeve albanologjike, me një ndikim të gjerë në hapësirën shqiptare dhe më gjerë.