Tensionet në Lindjen e Mesme janë përshkallëzuar sërish, pasi ushtria izraelite ka njoftuar se Irani ka lëshuar raketa drejt territorit të Izraelit.
Sipas një deklarate zyrtare të Forcave të Mbrojtjes së Izraelit (IDF), sistemet e mbrojtjes ajrore janë aktivizuar menjëherë për të neutralizuar kërcënimin.
“Sistemet e mbrojtjes janë aktivizuar për të ndërprerë kërcënimin,” deklaroi zëdhënësi i ushtrisë izraelite.
Mediat ndërkombëtare raportojnë se pas njoftimit të parë është sinjalizuar edhe një valë e dytë sulmesh me raketa, ndërsa autoritetet izraelite po monitorojnë situatën dhe po vlerësojnë pasojat e mundshme.
Në të njëjtën kohë, ministri i Jashtëm i Iranit, Abbas Araghchi, publikoi në platformën X një imazh ku shfaqeshin të bashkuar flamujt e Iran dhe Liban.
Postimi është interpretuar nga mediat dhe analistët si një mesazh solidariteti i Teheranit ndaj Bejrutit në mes të përshkallëzimit të konfliktit rajonal dhe sulmeve izraelite në rajon.
Ndërkohë, autoritetet izraelite nuk kanë bërë ende të ditur nëse ka persona të lënduar apo dëme materiale nga sulmet e raportuara, ndërsa situata mbetet në zhvillim.
