Një tërmet me madhësi 4.9 të shkallës Rihter është regjistruar pak pas mesnate në zonën e Kastoria në Greqi. Epiqendra mësohet se ishte në kufirin greko-shqiptar, konkretisht 18 kilometra në perëndim të Kastoria, ndërsa thellësia fokale ishte pesë kilometra.
Tërmeti u ndje veçanërisht në qytetin e Kastoria, por edhe në zonat përreth, si edhe në Korçë.
Mediat greke raportojnë se në saj të informacioneve nga autoritetet lokale, nuk janë raportuar dëme materiale apo në njerëz.
