Një ngjarje e rëndë është raportuar në Vlorë, ku një person është gjetur pa shenja jete në një nga kullat e vrojtimit në zonën e Plazhit të Vjetër.

Sipas informacioneve paraprake, dyshohet se bëhet fjalë për vetëvarje, ndërsa ngjarja mendohet të ketë ndodhur rreth orës 05:00 të mëngjesit të ditës së sotme.

Forcat e policisë kanë mbërritur në vendngjarje dhe kanë nisur hetimet për të sqaruar plotësisht rrethanat dhe shkaqet e ngjarjes.

Autoritetet pritet të japin detaje të mëtejshme pas përfundimit të verifikimeve në terren.